Saturday, March 20, 2010

အမေ့အိမ်

အဲဒီမှာ တံခါးမရှိဘူး
အဲဒီမှာ ဓားမရှိဘူး
အဲဒီမှာ-
သားပြန်လာမယ့် အချိန်ကို မျှော်နေတဲ့
အိပ်မပျော်ခြင်းတွေ ရှိတယ်
အဲဒီမှာ
တစ်မြို့တစ်ရွာဆီ ဖြန့်ကြဲနေတဲ့
မေတ္တာပို့ခြင်းတွေ ရှိတယ်
အဲဒီမှာ
လူတစ်ယောက်ကို ငယ်ရွယ်သွားစေတဲ့
စိတ်ပျိုကိုယ်နု ဆေးတစ်မျိုးရှိတယ်
အဲဒီမှာ
ဝင်ရောက်ခိုနား ပျံထွက်သွားတတ်တဲ့
အစဉ်အလာတွေ ရှိတယ်
အဲဒီမှာ
လမ်းတစ်လမ်းလို ရင့်ကျက်မှုအပြည့်နဲ့
ညွှန်ပြချက်တွေ ရှိတယ်
အဲဒီမှာ
စိတ်ကူးတစ်ခုလုံး ဖြည့်စွမ်းပေးတဲ့
အနစ်နာခံစိတ်တွေရှိတယ်
အဲဒီမှာ
လရောင်နဲ့ဖျော်စပ်ထားတဲ့
ပျော်ရွှင်ခြင်းတွေ ရှိတယ်
အဲဒီမှာ
ဘယ်နေရာမှာမှ မရနိုင်တဲ့
ရင်ခုန်ဆွတ်ပျံ့တဲ့ အငွေ့အသက်တွေရှိတယ်
အဲဒီမှာ
တစ်ယောက်ပြီးတစ်ယောက်
ဘယ်သူသောက်သောက် စိတ်မကောက်တဲ့
ဆံဖြူသွားကျိုး ရေအိုးကလေးရှိတယ်
အဲဒီမှာ
အဲဒီမှာပါ
ဆိုးမိုက် ပေ တေ
ဘယ်လိုပဲ လေလွင့်ခဲ့တဲ့ သားသမီးဖြစ်ပါစေ
တံခါးဟာ ဖွင့်ထားဆဲ
အမေဟာ
အိမ်ရှေ့ လမ်းကို မျှော်ငေးနေဆဲပါ…။


ကေးမျိုးငြိမ်း
၂၀၀၈ အောက်တိုဘာ ရတီမဂ္ဂဇင်း

3 comments:

sexymyay said...

အမေ့အိမ်ကဗျာလေးကြိုက်လို့ ကူးသွားတယ် ခင်ဗျ။ လေးစားလျှတ်

ဝေလင်း said...

အမေ့အိမ်နဲ့ဝေးခဲ့တာ၅နှစ်ရှိပြီ။အိမ်ပြန်ချိန်တွေကတော့
အခုထိဝေးနေဆဲပါပဲ။

Unknown said...

အရမ်းကောင်းတယ်ဗျာ..အမေ့အိမ် ကဗျာလေး ကူးသွားပြီနော်